Shri Kali Devi Ji Ki Aarti

Shri Kali Devi Ji Ki Aarti

Ambe Tu Hai Jagdambe Kali Jai Durga Khappar Wali.

Tere Hi Gun Gayen Bharti,

O Maiya Hum Sab Utare Teri Aarti.

Tere Bhakt Jano Pe Mata Bheer Padi Hai Bhari,

Danav Dal Par Toot Pado Maa Karke Sinh Savar,.

Sou Sou Sinho Se Hai Balshali Hai Dus Bhujaon Wali.

Dukhion Ke Dukhde Niwarti,

O Maiya Hum Sab Utare Teri Aarti.

Maan Bête Ka Hai Is Jug Main Bada Hi Nirmal Nata,

Poot Kapoot Sune Hain Par Na Mata Suni Kumata.

Sub Pe Karuna Darsane Wali Amrit Barsane Wali,

Dukhion Ke Dukhde Niwarti,

O Maiya Hum Sab Utare Teri Aarti.

Nahin Mangte Dhan Aur Daulat Na Chandi Na Sona,

Hum To Mange Tere Man Main Ek Chhota Sa Kona.

Sub Ki Bigdi Banane Wali Laaj Bachane Wali,

Sathiyon Ke Sat Ko Sanvarti,

O Maiya Hum Sab Utare Teri Aarti.